உங்கள் அருமையான ஆதரவு மற்றும் உதவியால், மலைசாமி புரத்தில் “நம்மவர் படிப்பகம்” (நூலகம் மற்றும் திறன் மேம்பாட்டு மையம்) வெற்றிகரமாக அமைக்கப்பட்டது. இந்த மையம் மிகவும் குறுகிய காலத்திலேயே மாணவர்களுக்கும், பொதுமக்களுக்கும் கல்வி மற்றும் வளர்ச்சிக்கான முக்கிய வளமாக மாறியுள்ளது.

மாணவர்கள் எண்ணிக்கை நாளுக்கு நாள் அதிகரித்து வரும் நிலையில், தற்போதைய 400 சதுர அடி பரப்பளவு அனைவரையும் ஏற்றுக்கொள்வதற்கு போதுமானதாக இல்லை. குறிப்பாக தையல் பயிற்சி, TNPSC தேர்வு பயிற்சி, மற்றும் பிற திறன் மேம்பாட்டு நிகழ்ச்சிகள் நடத்தும்போது இடம் குறைவாக உள்ளது.

எனவே, வளர்ந்து வரும் தேவைகளை பூர்த்தி செய்ய, தற்போதைய கட்டிடத்தின் மீது இரண்டாவது மாடி அமைக்குமாறு அவர்கள் கேட்டுக்கொண்டுள்ளனர். இந்த விரிவாக்கம் மூலமாக:

1. அனைத்து மாணவர்களும் சௌகரியமாகப் படிக்க போதுமான இடத்தை வழங்க முடியும்.

2. திறன் மேம்பாட்டு நிகழ்ச்சிகளை கட்டுப்பாடின்றி சிறப்பாக நடத்த முடியும்.

3. இந்த திட்டத்தின் தாக்கத்தை மேலும் விரிவாக்கி, முழு சமூகத்திற்கும் நீண்டநாள் பயனளிக்க முடியும்.

இந்தக் கோரிக்கையை கிராம மக்களின் சார்பில் உங்களிடம் முன்வைக்கிறோம் .

உங்களது வழிகாட்டல் மற்றும் கருத்துக்களை எதிர்பார்க்கிறோம்.